أحداث حي الميدان في دمشق ٨/تموز/٢٠١١

نقلاً عن أبو رامي (شاهد عيان):
انطلقت بعد صلاة الجمعة في الحسن مظاهرة ونزلو عل شارع وهتفو لاسقاط النظام ولا وجود للحوار أنا صليت بغير جامع بأبو حبل وطلعو بشكل طبيعي بس تقريبا كل يلي كانو بالجامع خلصو واتجهو بتجاه جامع الحسن كان تواجد أمني كبير بساحة الأشمر وعند جامس الحسن وعند التريا اتجهت العالم كلها بتجاه جامع الحسن ووتجمهرو عند جريدة تشرين بهل لحظات اشتغل الضرب من جهة الكورنيش كانت في مظاهرة جاية واشتبكو مع الامن يلي صار يضرب غازات بشكل رهيب يعني ماعااد بين شي متل بخاخ الدبان ومع سماع صوت طلقات الظاهر كانت مسدسات أول شي...بهل وقت العالم يلي عند تشرين اجتمعو وركدو لمساعدة مظاهرة التريا وهنن عل اغلب اجو من جامع الدقاق وانحصر الأمن والشبيحة بالنص بين المظاهرتين كانت الاعداد كتير كبيرة يعني يلي عند تشرين كاانو شي الف هون الامن صار يهرب بتجاهنا بتجاه الجسر ونحنا كنا بوشو صار متل المجانين يركدو ويضربو بالغازات والمسدسات بس الحمد الله ماحدا نصاب وضلو عم يهربو بتصور لتحت الجسر واتكسر باصهن وهربو متل الفيران هون اجتمعنا مع مظاهرة يلي كانت باخر الكورنيش وصار العدد تقريبا 3000 ورجع الامن وهجم علنيا من جهة ساحة الأشمر عند الكازية بس كان الرد قوي واتصدا المتظاهرين اكتر من مرة وكانت العالم كل شوي يكترو والامن صار يقل الظاهر في كتير منهن هرب من المنطقة كلها ولما صارت الكفة للمتظاهرين قام الأمن الغادر باطلاق الرصاص الحي بشكل كثيف وانا شخصيا كان يمر من جنبي وعلى سيارات وحيطان وغلاء المحلات نسمع صوتو وهو عم يضرب بوحشية وهون سقط اول شهيد اصابة مباشرة بالرأس منظر فظيع انا كنت على بعد عشر متار بس منو وشفت الدم شلون طلع نافورة من رأسه وماعاد تمالكت اعصابي بصراحة وكتير من الشباب يعني منظر مو طبيعي الوحشية والاراهاب لهل درجة ولما اجا المتظاهرين حتا يحملو الشهيد رجع اطلاق الرصاص مرة تانية بشكل مو طبيعي بس المتظاهرين كان عندهن قوة قلب رائعة وحملو الشهيد وركضو فيه مابعرف لوين وبعد شوي في شخص كمان انصاب كان قرب الكازية بس مابعرف شو تفاصيلو بالزبط وضلت المظاهرة والتصدي للامن واطلاق الرصاص من قبل الامن وكنا نتحاما بأي شي بالشجر بالسيارات وطلعنا بتجاه نهر عيشة هنيك كانت في مظاهرة ضخمة واجتمعنا معها ورجعنا نزلنا عل كورن مالحقنا ننزل لحتا رجع اطلاق الرصاص وهون نصاب كمان واحد اصابة كانت بالرجل وقدرنا أناا نطلع بتجاه حي نهر عيشة وهون تصدو للأمن وسكرو الطرقات بحاويات الزبالة بوش الأمن وضلت هيك الأوضاع لحتا اجا باص تاني ونزلو منو شبيحة وركضو عل متظاهرين واطلقو غازات كثيفة فرقت المظاهرة بين الحارات