احداث الميدان والمصدر أنا شخصيا
خرجت مظاهرة من جامع الحسن وكان العدد تقريبا 1500 لمحتهن من بعيد وهون العالم والاهالي اجتمعت عند جريدة تشرين ووراوكان العدد بزدياد ماعملنا شي بس وقفنا نتفرج ...كان هل مرة مافي عصابات زعران يعني كلهن لابسين بدلات زيتة وشي كان لابس لباس كامل ومعهن اسلحة.....ضلو متظاهرين جامع الحس بحدو العشر دقايق ونزل قسم منهن عل شارع وبعد شوي صار الامن يهتف ابو حافظ ابو حافظ وبدهن يعملو مسيرة تاييد وبلشو ضرب فنايل غازية وهجمو عل متظاهرين بهل وقت نحنا كنا عند جريدة تشرين ورجال الامن عم يقلولنا روحو من هون نحنا نقول بدنا نتفرج ام اجا واحد من امن قال روحو تفرجو عليها عل جزيرة خخ قلنالو الجزيرة بتفبرك بدنا نشوف بعيونا المهم بهل لحظات طلعنا لورانا شفنا من بعيد مظاهرة كبيرة جاية كانت عند مدرسة الكواكبي وبلشنا شوي شوي نروح لعندهن كان المنظر مرعب واعداد كبيرة يعني كنا فوق 3000 واحد وانضمينا للمظاهرة وصرنا كتار طبعا الاهالي والعالم بطريق كلها عم تشارك ويلي بالسيارت وحتى في منهن صف السيارات بنص الشارع ونزلو شاركو منطر رائع ومشيت المظاهرة بتجاه جامع الحسن والامن هون شافونا الامن واتجهو بتجاهنا هنن يقربو ونحنا نقرب ومافي خوف وش لوش ولما قربنا منهن كتير صار الامن يضرب علينا قنابل غازية وهجمو علينا تراجعنا شوي من تاثير القنابل بس رجعنا تقدمنا وحمل المتظاهرين حجار وصرنا نزت عل الامن وركضنا عليهن فرد ركضة ام هرب الامن وماعاد في ئلهن اثر مامنعرف وين هربو ورجعنا بتجاه الكواكبي والاعداد بزدياد ونزلنا بتجاه شارع ابو حبل وكانت الاهالي تساعدنا وزتو علينا بصل ورشونا بالمي ونزلولنا قناني مي لنشرب يعني الوضع بجنن وكان في نسوان عم تزلغط من برندات ويحيونا رجال ولاد وكبار نسوان كلنا ايد وحدة وتجمعنا بشارع ابو حبل وتظاهرنا وضلينا هيك ورجع الامن حاول انو يهجم علينا من اتجاه الكواكبي وضربونا بالغازات مرة تانية وهجمو بس شباب ماخافو ورجعو تصدولهن وقلعوهن وصارت عمليات كر وفر وهنن يضربونا بالغازات والحجار ونحنا بالحجار وبعدين منسمع صوت رش رصاص متواصل كأنو صار بالهوا شي اربع مرات رش متواصل هون تراجعنا وفتنا بين الحارات وطبعا كان تعاون كبير ورائع من قبل الاهالي ومشاركة كبيرة وضليت المظاهرة بالحارات شي ساغة وبعدين فرطناها لحالنا
Location:دمشق، سوريا
No comments:
Post a Comment